Қазақстанға ұшып келген жолаушылар үшін ПТР-тестке 34 миллион теңге жұмсалған 14 қазан 2020, 14:51
Қазақстанға ұшып келген жолаушылар үшін ПТР-тестке 34 миллион теңге жұмсалған, - деп хабарлайды Tengrinews.kz тілшісі.
"Бүгінде шетелден келген 3 051 адам тест тапсырды. Тест жасау үшін шамамен 34 миллион теңге шығын болды. Бірақ карантин шаралары енгізілгенге дейін бізге анықтамамен және анықтамасыз келген адамдардың қатынасы 30-ға 70 пайыз болғанын атап өту керек. Яғни 30 пайызы ғана анықтамамен келген", - деді еліміздің бас санитар дәрігері Ерлан Қиясов ОКҚ онлайн-брифингте.
Оның айтуынша, қазір жолаушылар көбіне ПТР-тест нәтижесімен келеді.
"Бүгінде әуе көлігі арқылы келіп жатқан шетелдіктер мен азаматтарымыздың 80 пайызының қолында ПТР-тест болады. Бұл сан көбейеді деп ойлаймын, себебі адамдарға тестілеу нәтижесімен ұшып келу ыңғайлы", - деп түйіндеді Қиясов.
Еске салайық, бұған дейін Денсаулық сақтау министрлігі төрт елге әуе рейсін қысқартуға кеңес берді.
Қазақстан жаңалықтары. Соңғы жаңалықтар. Telegram желісінде бізге жазыл!