Қазақстанның алты облысында ауа райының қолайсыздығына байланысты жол жабылды, - деп хабарлайды Tengrinews.kz тілшісі "ҚазАвтоЖол" АҚ баспасөз қызметіне сілтеме жасап.
Ұлттық оператор қазақстандықтарды ауа райының өзгеруіне ерекше назар аударуға және алыс қашықтыққа шықпауға шақырды.
"Еліміздің бірнеше өңірінде ауа-райының нашарлауына байланысты көліктің барлық түрлері бойынша қозғалыс шектелді. Төтенше жағдай орын алған жағдайда жүргізушілер мен жолаушыларға тәулік бойы жұмыс істейтін 1403 байланыс орталығына хабарласуды ұсынамыз", - делінген хабарламада.
Ақмола облысында жол жабылды:
Жезқазған - Петропавл учаскесі: Қостанай облысының шекарасы - Державинск қаласы.
Ақтөбе облысында:
Ақтөбе - Атырау, Ресей шекарасы, Шұбарқұдық кентінен Атырау облысының аумағына дейін;
Самара - Шымкент, "ЭКО ОЙЛ" ЖҚБ мен Қызылорда облысының аумағы арасындағы учаске;
Қарабұтақ-Комсомольское - Денисовка - Рудный - Қостанай жүк және қоғамдық көлік түрлеріне арналған, Қарабұтақ кенті мен Қостанай облысының шекарасы арасындағы учаске.
Батыс Қазақстан облысында:
Орал - Тасқала - Ресей Федерациясының шекарасы, Тасқала ауылы арасындағы аудан мен Ресей Федерациясының шекарасына дейін;
Самара - Шымкент, Ресей Федерациясы мен Орал шекарасы арасындағы учаске;
Атырау - Орал, Атырау облысы мен Орал шекарасы аралығында;
Орал - Тасқала –- Ресей Федерациясы, Орал қаласының шекарасынан Тасқала ауылына дейінгі учаске;
Подстепное - Федоровка - Ресей Федерациясы, Подстепное ауылынан Ресей шекарасына дейінгі учаске.
Қарағанды облысында:
Жезқазған Петропавл, Ұлытау кентінен Қостанай облысының шекарасына дейінгі учаске.
Қостанай облысында:
Жезқазған Петропавл, Қарағанды облысының шекарасынан Ақмола облысының шекарасына дейінгі учаске;
Қарабұтақ - Комсомольское - Денисовка - Рудный - Қостанай, Ақтөбе облысының шекарасынан Жайылма ауылына дейінгі учаске.
Қызылорда облысында:
Самара - Шымкент, Ақтөбе облысының шекарасынан Арал қаласына дейінгі учаске.
Сілтемесіз жаңалық оқисыз ба? Онда Telegram желісінде парақшамызға тіркеліңіз!