“Қазмырыштағы“ жарылыс: экологтар Өскеменде ауадан зиян шығарындыларды анықтады

Өскеменде ауадан "Қазмырыш" зауыты аумағындағы жарылыстан кейін ластану деңгейі рұқсат етілген нормаларынан асып кеткені тіркелді. Бұл туралы "Қазгидромет" мәлім етті, - деп хабарлайды Tengrinews.kz.

Өлшем нәтижелері

"Қазгидромет" филиал мамандары жарылыс пен өрт туралы хабарламадан кейін 5 мамырда таңертең оқиға орнына барғанын хабарлады.

Атмосфералық ауа сынамалары тұрғын аймақта, санитарлық-қорғау аймағының шекарасында және жел соққан бағытта алынған.

Ведомство мәліметінше, үш нүктенің екеуінде зиян заттардың қауіпті концентрациясы анықталған:

"Бірінші нүктеде – Белинский көшесі, 3 мекенжайында хлорлы сутегі бойынша 1,8 ШРК м.р. (хим.талдау) асып кеткені тіркелді. Екінші нүктеде – Асқар тау көшесі, 11 мекенжайында күкіртті сутегі бойынша – 1,7 ШРК м.р. және көміртегі оксиді бойынша – 3,6 ШРК м.р. (тікелей анықтау әдісі) асып кеткені анықталды", – деп хабарлады "Қазгидромет".

Широкая көшесіндегі үшінші нүктеде нормадан асу жағдайлары байқалмады.

Бұған дейін жергілікті экологтар кәсіпорын аумағындағы екі нүктеде жүргізілген өлшеулерден кейін шекті рұқсат етілген концентрациядан (ШРК) асу жағдайлары анықталмағанын хабарлады.

Еске сала кетейік, Өскемен тұрғындарын аспанға көтерілген қою түтін шошытқан болатын. Жарияланған кадрлардан будақтаған қалың түтінді көруге болады.

Желі қолданушылары жарылыс болуы мүмкін деп болжаған. ТЖМ мәліметінше, зауыттардың бірінің аумағында "шаң жинағыш құрылғы жарылып, артынан өрт шығып, нысан ішінара қираған". Алғашқы бөлімшелер келген кезде ашық жалын анықталды.

Алдын ала ақпарат бойынша, жедел жәрдем қызметкерлері төрт адамды ауруханаға жеткізгені айтылған еді. Кейін оқиға салдарынан екі адам қаза тауып, бесеуі жарақат алғаны хабарланды.

Оқиға орнында қырық өртсөндіруші мен 10 техника жұмыс істеп жатыр, залал көлемі анықталады.

Айта кетейік, 5 мамырда өткен Үкімет отырысында премьер-министр Олжас Бектенов Өскемендегі жарылыс дерегі бойынша ТЖ және Экология министрліктеріне, сондай-ақ өңір әкімдігіне тиісті тапсырмалар берілгенін мәлімдеді. Жағдай премьер-министрдің бақылауында.