1. Басты
  2. Біл
  3. Жаңалықтар
  4. Ел жаңалықтары

"Қазпошта" Нұр-Сұлтан мен Алматыдағы бөлімшелерін 2 күнге жабады

© Тұрар Қазанғапов © Тұрар Қазанғапов

28 және 29 наурызда Нұр-Сұлтан мен Алматыдағы "Қазпошта" бөлімшелері жұмыс істемейді. Бұл туралы Facebook-те компания басшысы Сәкен Сәрсенов жазды, - деп хабарлайды Tengrinews.kz тілшісі.

"Коронавирус инфекциясының таралуын болдырмау жөніндегі шаралардың күшеюіне байланысты біз 2020 жылдың 28-29 наурызында Нұр-Сұлтан мен Алматы қалаларындағы пошта бөлімшелеріне демалыс жариялау туралы шешім қабылдадық. Қалған аймақтардағы пошта бөлімшелері әдеттегі кесте бойынша жұмыс істей береді", - деп жазды Сәрсенов.

Оның айтуынша, EMS курьерлік қызметі 28 наурызда сағат 9.00-ден 16.00-ге дейін жұмыс істейді. Хат-хабарларды қабылдау орны Алматы қаласы, Бөгенбай батыр көшесі, 134 үй мекенжайы бойынша жұмыс істемейді.

EMS курьерлік қызметі 29 наурызда демалады. 

Нұр-Сұлтан, Алматы және Шымкент қалаларында шектеу шаралары күшейтілді

Мемлекеттік комиссия биылғы 28 наурыз күнгі сағат 00.00-ден бастап келесі шараларды қабылдау арқылы Нұр-Сұлтан және Алматы қалаларында карантин режимін күшейту туралы шешімді бекітті:

  • Азық-түлік, дәрі-дәрмек сатып алуды және жұмысқа баруды қоспағанда, азаматтардың тұрғын үйден шығуын шектеу;
  • Халық көп жиналатын орындарды жабу (саябақтар, скверлер, жаяу жүретін көшелер, жағалаулар, ойын алаңдары және т. б.);
  • Қоғамдық көлік жұмысын кезең-кезеңмен шектеу;
  • Көшелерде және басқа да қоғамдық орындарда үш адамнан артық топтасып жиналуға тыйым салу (отбасы мүшелерінен басқа);
  • Кәмелеттік жасқа толмағандардың үлкендерсіз сыртта жүруіне тыйым салу.

Қазақстан жаңалықтары. Соңғы жаңалықтар. Telegram желісінде бізге жазыл!