ҚХР елшісі Қытай қазақтары қысым көріп жатыр деген мәліметке қатысты жауап берді

03 Қараша 2017, 09:50
0
ҚХР елшісі Қытай қазақтары қысым көріп жатыр деген мәліметке қатысты жауап берді - Чжан Ханьхуэй. © ult.kz
Чжан Ханьхуэй. © ult.kz

ҚХР-дың Қазақстандағы елшісі Чжан Ханьхуэй Қытай қазақтары қысым көріп жатыр деген мәлімдемеге жауап берді, - деп хабарлайды "Караван".

Осыған дейін ҚР Парламентінің депутаттары осы мәселені көтерген еді. ҚР Сыртқы істер министрлігінің өкілдері де бұл мәліметтің тексеріліп жатқанын мәлімдеген болатын.

Чжан Ханьхуэйдің айтуынша, Синьцзян-Ұйғыр автономды ауданының тұрғындарына қатысты қатаң шаралар тек қазақ диаспорасына емес, сондай-ақ, басқа да ұлттың өкілдеріне қатысты қолданылып келген.

Сонымен қатар, Чжан Ханьхуэй мемлекеттің осы өңірге қаржылай көмек көрсетіп жатқанын айтып өтті.

"ҚХР ешқашан да кемсітушілік саясатын жүргізбеген және жүргізбейді", - деді Чжан Ханьхуэй.

"Біз КХР-дағы қазақтардың, нақтырақ айтсақ, Ұйғыр автономиялық округіндегі Синцзянда шекара асып, сапарға шығарда ресми құжат алуда қиындықтарға тап болып жатқанын анықтадық, КХР-да мемлекеттік қызметте жұмыс істейтіндердің төлқұжат алуында белгілі бір қиындықтарға тап болып жатқанын білдік. Бұл мәселелерді біз мұқият тексеріп жатырмыз, сараптаудамыз, сондай-ақ, мәселені қытайлық әріптестерімізбен талқылап жатырмыз. Біздің СІМ-ге ресми тәртіппен түскен өтінішті назарсыз қалдырмаймыз", - деген еді осыған дейін ҚР СІМ министрі.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай