Көлгінов "Территория комфорта-1" тұрғын үйін неге сүру туралы шешім қабылдағанын айтты

22 Тамыз, 14:28
0
Көлгінов "Территория комфорта-1" тұрғын үйін неге сүру туралы шешім қабылдағанын айтты - "Территория комфорта-1". © Тұрар Қазанғапов
"Территория комфорта-1". © Тұрар Қазанғапов

Нұр-Сұлтан әкімі Алтай Көлгінов толық салынып бітпеген "Территория комфорта-1" тұрғын үйін сүру туралы шешімнің қабылдану себебін айтты, - деп хабарлайды Tengrinews.kz тілшісі. 

"Жоқ, толық салуға болмайды. Ол құрылысқа жарамайды. Бұл қауіпсіздік мәселесі. Техникалық тексеріс ғимараттың апатты жағдайда екенін көрсетті. Тұрғанына қанша уақыт болды. Ауа райы жағдайы, ол жақта тіпті шатыр да жоқ, қыс пен көктем-күз уақыты - осының бәрі жарамсыздыққа алып келді. Оған демонтаж жасап, жаңасын саламыз. Бұл мәселе бойынша инсвесторлармен жұмыс істеп жатырмыз", - деді әкім журналистер сұрағына. 

Ол салынып жатқан үйді бұзып, жаңасын салу үшін инвесторлар тартылуы мүмкін айтты.

"Дәл қазір айта алмаймын, себебі құжаттарды дайындап жатырмыз. Бұзып бастаған кезде айтамыз. Үлескерлердің үйлері бойынша нақты жоспар бар. Мәселе көп", - деді Көлгінов. 


© Тұрар Қазанғапов

Бұған дейін Нұр-Сұлтан әкімі елордада толық салынып бітпеген "Территория комфорта-1" тұрғын үйі сүрілетінін айтқан болатын. Көпқабатты тұрғын үй кешені елорда орталығында 2004 жылдан бері салынып жатыр. Бірақ құрылыс әлі біткен жоқ. Нысан сол жағалаудың орталық көшелерінің бірінде орналасқан.

Бірнеше жыл бұрын бұл үй бітпеген нысандардың жәрмеңкесінде ұсынылған еді. Жәрмеңке тұрғын үйлердің құрылысын бітіруге дайын инвесторлар үшін өткен.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай