Білім және ғылым министрлігі коронавирусқа қарсы қазақстандық вакцина сынақтан өтіп жатқанын мәлімдеді, - деп хабарлайды Tengrinews.kz тілшісі coronavirus2020.kz Telegram-каналына сілтеме жасап.
Наурыздың ортасынан бастап Білім және ғылым министрлігі Ғылым комитетінің Биологиялық қауіпсіздік проблемаларының ғылыми-зерттеу институтының ғалымдары вакцинаны әзірлеу жұмыстарын бастады.
Алғашқы материалдары Алматыдағы жұқпалы аурулар ауруханасындағы науқастардан алынды. BSL-3 қорғау деңгейіндегі зертханада биологиялық үлгілерден VERO жасушасынан SARS-CoV-2 қоздырғышы (коронавирус қоздырғышы) ретінде анықталған вирус бөлініп, оның биологиялық қасиеттеріне зерттеу жүргізілді.
9 мамырда жүргізілген ғылыми зерттеулердің нәтижесінде Биологиялық қауіпсіздік проблемаларының ғылыми-зерттеу институтының ғалымдары алғашқы вакцинаны әзірледі. 15 мамырда Дүниежүзілік денсаулық сақтау ұйымы (ДДСҰ) оны өз сайтында клиникаға дейінгі сынақтарға арналған вакцина ретінде тіркеді.
Содан кейін вакцинаны зертхана жағдайында жануарларға: тышқандар, сириялық хомяктар, егеуқұйрықтар, гвинея шошқалары, паромдар, қояндар және басқаларына клиникаға дейінгі сынақтар жүргізу басталды.
Соңғы сынақ нәтижелері ДДҰ регламенттеген барлық параметр бойынша, атап айтқанда: уыттылық, пирогенділік, аллергенділік, иммуногендік, вакцина ДДҰ және Қазақстан Республикасының Мемлекеттік фармакопеясының талаптарына сәйкес келетінін көрсетеді.
Қазақстанда коронавирусқа қарсы вакцина шығаратын зауыт салынып жатыр - министр
Қазақстан жаңалықтары. Соңғы жаңалықтар. Telegram желісінде бізге жазыл!
