+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстанның Бас прокуратурасы Әблязовті Ресейден немесе Украинадан қайта экстрадициялау жөнінде ешқандай келіссөздер жүргізіп жатқан жоқ. Бас прокуратура бұл мәселе бойынша кеңесуді заңнамалық нақты шешім шыққаннан кейін жалғастырады. Бұл туралы Tengrinews.kz тілшісінің ресми сауалына берілген жауапта айтылған.
Қазақстанның Бас прокуратурасы Әблязовті Ресейден немесе Украинадан қайта экстрадициялау жөнінде ешқандай келіссөздер жүргізіп жатқан жоқ. Бас прокуратура бұл мәселе бойынша кеңесуді заңнамалық нақты шешім шыққаннан кейін жалғастырады. Бұл туралы Tengrinews.kz тілшісінің ресми сауалына берілген жауапта айтылған.
Қазақстан Бас прокуратурасының мәліметінше, халықаралық құқық серіктестігі принциптері қатаң сақталып, халықаралық құқықтық серіктестік қатысушылары арасындағы міндеттемелер мен кез келген келісімге құрмет көрсетілетін болады.
"Қылмыстық сот өндірісі саласында еуропалық конвенцияға мүше елдер ретінде, Ресей мен Украина сауалдарының Қазақстанның экстрадициялық сұрауынан басым екеніне қарамастан, Қазақстанның Бас прокуратурасы франциялық билік пен құзіретті сотынан сауалды қарау жөнінде өтініш білдіруді жалғастырып отыр және Әблязовтің ұйымдасқан қылмыстық тобының мүшелерін қылмыстық қудалаудан бас тартуға ниетті емес", - делінген ведомствоның жауабында.
Қазір Қазақстанның құқық қорғау органдары қылмыстық іс тергеуінің аяқталып, келтірілген шығынның орнын толтыруға көңіл бөліп отыр.
"Ресей мен Украинаның экстрадициялау шеңберіндегі сауалдары заңнамалық нақты шешімге келгенде Қазақстанның Бас прокуратурасы Ресей, Франция және Украинадағы шетелдік әріптестерімен өзара әрекет ету бойынша кеңесуді жалғастырады. Бұл кезеңде қазақстандық сауал бойынша шаралардың қай кезде нақты аяқталатынына болжам жасау мүмкін болмай отыр. Ол экстрадициялау бойынша Ресей мен Украинаның сауалына шаралардың қолдану ұзақтығына байланысты болады", - деп түсіндірді Бас прокуратурадағылар.
Еске сала кетейік, бұған дейін БТА банктің бұрынғы басшысы Мұхтар Әблязовтің Ресейге экстрадицияланатыны және мұндай шешімді Франция сотының қабылдағаны хабарланған болатын. Экс-банкирді Ресейге экстрадициялау туралы құжатқа 17 қыркүйекте Францияның премьер-министрі Мануэль Вальс қол қойды. Әблязов бұл шешімге жоғары әкімшілік инстанция - Францияның мемлекеттік кеңесінде шағым келтіруге құқылы.
"Бұған дейін Қазақстанның Бас прокуратурасы франциялық сот шешімінің бірнеше міндеттемемен берілетінін және ол шарттардың сауалды жолдаушы тарапқа бағытталатынын мәлімдеген болатын. Нақтырақ айтқанда, Ресей мен Украина Француз Республикасына қылмыскерді үшінші жаққа бермеуге кепілдік ұсынуы тиіс, оны үшінші жаққа беру Францияның рұқсатымен ғана жүзеге асырыла алады", - деді ведомстводағылар.
