1. Басты
  2. Біл
  3. Жаңалықтар
  4. Ел жаңалықтары

ҚР білім және ғылым министрі оқушыларды соңғы қоңыраумен құттықтады

© Tengrinews.kz © Tengrinews.kz

ҚР білім және ғылым министрі Ерлан Сағадиев оқушыларды соңғы қоңыраумен құттықтады, - деп хабарлайды Tengrinews.kz тілшісі.

Елордадағы №75 гимназияның салтанатты шарасында БҒМ басшысы бірінші кезекте мектеп түлектеріне қарата сөз айтты. "Сіздер жаңа әлемге қадам басасыздар. Бұл әлем тіпті басқа болады - меніңше, университеттің бірінші курсында сезесіздер. Бар айтқым келетіні - сіздер керемет мектепті тәмамдадыңыздар, жақсы білім алдыңыздар. Барлығыңызға ҰБТ-да сәттілік тілеймін, елдің, шетелдің үздік ЖОО-ларына түсуді тілеймін. Керемет мамандық таңдауларыңызға тілектеспін. Біздің ұлы ғалымдарымыз, ұлы жазушыларымыз, ұлы инженерлеріміз болсын", - деді Сағадиев.

Айта кетейік, №75 мектеп-гимназияны Мемлекет басшысы Нұрсұлтан Назарбаев 2014 жылдың 1 қыркүйегінде ашқан болатын. Гимназияда "Эрудит" деп аталатын ғылыми қоғам бар, мұнда оқу-білімге мотивациясы жоғары деңгейдегі балалармен жұмыс жүргізу қолға алынған.