+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
"Қазақстандағы қылмыстық әділеттілікті жетілдіру" еуропалық одақ жобасының қолдауымен республиканың пенитенциарлық жүйесінің 300-ден астам қызметкері "Пробация туралы" ҚР Заңының қабылдануы тұрғысында оқудан өтуде, деп хабарлайды Tengrinews.kz тілшісі ҚР Ішкі істер министрлігінің Қылмыстық-атқару жүйесі комитетінің баспасөз қызметіне сілтеме жасап.
"Қазақстандағы қылмыстық әділеттілікті жетілдіру" еуропалық одақ жобасының қолдауымен республиканың пенитенциарлық жүйесінің 300-ден астам қызметкері "Пробация туралы" ҚР Заңының қабылдануы тұрғысында оқудан өтуде, деп хабарлайды Tengrinews.kz тілшісі ҚР Ішкі істер министрлігінің Қылмыстық-атқару жүйесі комитетінің баспасөз қызметіне сілтеме жасап.
Баспасөз қызметі хабарлағандай, пробация және сотталғандар арасындағы тәрбие жұмысы қызметтерінің қызметкерлеріне арналған алғашқы екі күндік оқу семинары 25 қазанда Өскемен қаласында басталған.
Мұндай семинарлар сот, прокуратура органдарының және жергілікті атқарушы органдар өкілдерінің қатысуымен, сондай-ақ халықаралық сарапшылардың тартылуымен республиканың төрт өңірінде: Өскемен, Алматы, Ақтау және Қарағанды қалаларында өтеді деп атап өтілуде.
"ҚАЖ қызметкерлері пробация қызметін және бас бостандығынан айыру орындарынан босатылған және есепте тұрған азаматтарды оңалтудың кешенді стратегиясын дамытудың негізгі бағыттарын, сондай-ақ пенитенциарлық жүйе саласындағы халықаралық сарапшылардың ұсынымдарын зерттейді", - делінген хабарламада.
Одан басқа, ҚАЖ комитеті дайындаған пробация және тәрбие жұмысы қызметтері саласы бойынша әдістемелік ұсынымдар оларды қызметтік жұмыста одан әрі практикалық қолдану үшін таныстырылады.
Еске сала кетейік, Ішкі істер министрлігі "Пробация туралы" және "ҚР кейбір заңнамалық актілеріне пробация мәселелері бойынша өзгерістер мен толықтырулар енгізу туралы" заң жобаларын Ұлт жоспарының 33-қадамын орындау шеңберінде әзірлеген болатын. Заң жобаларының мақсаты - қылмыстық саясатты одан әрі ізгілендіру, оны әлемдік стандарттарға, соның ішінде кінәлі адамдарға қайта әлеуметтендіру әсерін арттыру арқылы жақындату.
