Синоптиктер солтүстік өңірдің тұрғындарына үсік жүретіні туралы ескерту жасады, - деп хабарлайды Tengrinews.kz тілшісі "Қазгидромет" орталығына сілтеме жасап.
"1-2 қыркүйек түнде Ақмола, Қостанай, Солтүстік Қазақстан, Павлодар облыстарында, 2-3 қыркүйек түнде Қарағанды облысында, 3 қыркүйек түнде ШҚО-ның кей жерлерінде 3 градусқа дейін суытады", - делінген хабарламада.
Сонымен қатар, Астанада 1-2 қыркүйек түнде 2 градус үсік жүреді.
Сондай-ақ, 31 тамызда СҚО-да секундына 15-20 метр жылдамдықпен жел соғады, жауын-шашын болады. Түнде және таңертең кей жерлерді тұман басады.
