Қызылорда облысында тұрғын түйе ұрлап, сотталды, деп хабарлайды Tengrinews.kz.
Арал аудандық соты сотталушы Д.-ға қатысты Қылмыстық кодекстің 188-1-бабы 3-бөлігінің 2-тармағы ("Мал ұрлығы") бойынша істі қарады.
"Бұрын мүлікке қарсы ауыр қылмыс жасағаны үшін сотталған Д. есімді азамат бұдан тиісті нәтиже шығармай, бөтеннің мүлкін жымқыру мақсатында қоршаудан секіріп өтіп, азамат А.-ның ауласына заңсыз кірген және түйе ұрлаған", - деп хабарлады баспасөз қызметі.
Қылмыстан келген шығын 800 000 теңге болған.
"Сотталушының кінәсі оның өз кінәсін мойындаған жауаптары, жәбірленуші мен куәгерлердің айғақтары, сондай-ақ іс бойынша жиналған өзге де дәлелдемелер жиынтығымен расталды", - деп хабарлады сотта.
Сот Д.-ны кінәлі деп танып, оны 5 жылға бас бостандығынан айыру жазасына кесті.