+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қызылорда облысында араға 31 жыл салып күріштің жаңа сорты өндіріске енгізілмекші. Бұл жайында Tengrinews.kz тілшісіне Қызылорда облыстық ауыл шаруашылығы басқармасының басшысы Талғат Дүйсебаев хабарлады. Қазіргі таңда елімізде күріш өнімінің 90 пайызға жуығын Сыр өңірінің диқандары өндіреді. Сондықтан саланың жұмысын жүйелеу мақсатында бәсекеге қабілетті күріштің жаңа сорттарын шығару, озық технологиялар мен шетелдік жетістіктерді тәжірибеге енгізу секілді жұмыстарды атқаруға мән берілуде. Осы мақсатта Қызылорда қаласында орын тепкен Ыбырай Жақаев атындағы "Қазақ күріш шаруашылығы институты" ЖШС ғалымдары өздері жасап шығарған "ҚазЕР" сортын өндірістік сынау мақсатында Қазалы, Жалағаш, Сырдария, Жаңақорған аудандарында егуді жоспарлап отыр. Сондай-ақ, 2014 жылы облыс диқандары "Светлый", "Южный" секілді жаңа сорттарды да сорттық сынақтан өткізбекші. Жұртшылық бүгінгі таңда қолданылып жүрген "Ақмаржан" сортының осыдан 31 жыл бұрын, дәлірек айтқанда, 1983 жылы өндіріске енгізілгенін жақсы біледі. Өкінішке қарай, содан бергі уақытта отандық ғалымдар ешқандай да жаңа сортты өндіріске енгізбепті. Соның салдарынан "Ақмаржан" сорты түрлі күріш ауруларына душар болып, дақылдың өнімділігіне кері әсерін тигізіп жүрген жайы бар.
Қызылорда облысында араға 31 жыл салып күріштің жаңа сорты өндіріске енгізілмекші. Бұл жайында Tengrinews.kz тілшісіне Қызылорда облыстық ауыл шаруашылығы басқармасының басшысы Талғат Дүйсебаев хабарлады.
Қазіргі таңда елімізде күріш өнімінің 90 пайызға жуығын Сыр өңірінің диқандары өндіреді. Сондықтан саланың жұмысын жүйелеу мақсатында бәсекеге қабілетті күріштің жаңа сорттарын шығару, озық технологиялар мен шетелдік жетістіктерді тәжірибеге енгізу секілді жұмыстарды атқаруға мән берілуде. Осы мақсатта Қызылорда қаласында орын тепкен Ыбырай Жақаев атындағы "Қазақ күріш шаруашылығы институты" ЖШС ғалымдары өздері жасап шығарған "ҚазЕР" сортын өндірістік сынау мақсатында Қазалы, Жалағаш, Сырдария, Жаңақорған аудандарында егуді жоспарлап отыр. Сондай-ақ, 2014 жылы облыс диқандары "Светлый", "Южный" секілді жаңа сорттарды да сорттық сынақтан өткізбекші.
Жұртшылық бүгінгі таңда қолданылып жүрген "Ақмаржан" сортының осыдан 31 жыл бұрын, дәлірек айтқанда, 1983 жылы өндіріске енгізілгенін жақсы біледі. Өкінішке қарай, содан бергі уақытта отандық ғалымдар ешқандай да жаңа сортты өндіріске енгізбепті. Соның салдарынан "Ақмаржан" сорты түрлі күріш ауруларына душар болып, дақылдың өнімділігіне кері әсерін тигізіп жүрген жайы бар.
