1. Басты
  2. Біл
  3. Жаңалықтар
  4. Ел жаңалықтары

Мәжіліс Алексей Цойды денсаулық сақтау министрі қызметіне тағайындауды мақұлдады

Фото: primeminister.kz Фото: primeminister.kz

Мәжілістің әлеуметтік-мәдени даму комитеті денсаулық сақтау министрі лауазымына тағайындау үшін Алексей Цойдың кандидатурасын қолдады, деп хабарлайды Tengrinews.kz тілшісі мәжілістің баспасөз қызметі сілтеме жасап.

Бұл мәселе "Қазақстан Республикасының Парламенті және оның депутаттарының мәртебесі туралы" Конституциялық заңның 22-1-бабына сәйкес қаралған.

"Мәжілістің әлеуметтік-мәдени даму комитеті ҚР денсаулық сақтау министрі лауазымына тағайындау үшін Алексей Владимирович Цойдың кандидатурасын ұсынылуы мүмкін екендігі туралы қорытынды қабылдады", - делінген хабарламада.

Айта кетейік, осыған дейін денсаулық сақтау министрі Елжан Біртановтың коронавирус жұқтырғаны хабарланған еді

Елімізде COVID-19 вирусын жұқтырғандар саны 19 285-ке жетті. 12 048 науқас дертінен айықты, 136 адам қайтыс болды.