Мәжіліс төрағасы Қошанов референдумда дауыс берді 05 маусым 2022, 08:57
Мәжіліс төрағасы Ерлан Қошанов референдумда дауыс берді, - деп хабарлайды Tengrinews.kz тілшісі.
Ерлан Қошанов "Қазақстан темір жолы" ғимаратындағы сайлау учаскесінде дауыс берді.
Сонымен қатар, бұған дейін пемьер-министр Әлихан Смайылов референдумда дауыс берген болатын. Ол ұлттық кітапхана ғимаратындағы №111 сайлау учаскесінде дауыс берді.
Қазақстандағы референдум: қазірге дейін не белгілі?
Айта кетейік, референдумда қазақстандықтар Конституциядағы түзетулердің болу не болмауына дауыс береді. Яғни бюллетенде тек бір сұрақ: "Қазақстан Республикасының Конституциясына өзгерістер мен толықтырулар енгізу туралы" заң жобасында баяндалған Қазақстан Республикасының Конституциясына өзгерістер мен толықтыруларды қабылдайсыз ба?". Сұраққа "иә" не "жоқ" деп жауап беруі керек.
Сілтемесіз жаңалық оқисыз ба? Онда Telegram желісінде парақшамызға тіркеліңіз!