Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Мәжілісмендер граната жарылған кезде сарбазды денесімен жапқан полковникті марапаттауды сұрады

13 Сәуір 2016, 11:26
0
Қайрат Үмбетов
Қайрат Үмбетов

Мәжілісмен Бақытжан Ертаев оқу-жаттығу орталығында граната жарылу кезінде сарбазды денесімен жапқан полковник Қайрат Үмбетовті мемлекеттік марапатқа ұсыну туралы өтінішке қолдау білдіруді сұрады, - деп хабарлайды Tengrinews.kz тілшісі. Кеңейтілген отырыс кезінде ол Қазақстан премьер-министрі Кәрім Мәсімовке сөз арнады.

"(...) Қазіргі уақытта Ұлттық ұланның жеке құрамы қоғам мен мемлекет қауіпсіздігін қамтамасыз етіп отыр. Биыл 7 сәуірде ҚР Ұлттық ұланы "Орталық" өңірлік қолбасшылығында жедел қызметтің жеке құрамымен граната лақтырып үйрену сабағы кезінде штаб басшысы, полковник Үмбетов өз өмірін қатерге тіге отырып, жас сарбазды денесімен жауып, құтқарып қалды. Жедел қызметтің сарбазы Сұлтанқұлов РГД-5 гранатасын лақтырған кезде күштің жетіспеушілігінен ол төмен қарай құлаған", - деді Ертаев өтінімді оқи отырып.

"(...) Осындай қиын жағдайда Үмбетов тез шешім қабылдап, сарбазды құтқаруға бел буады. Үмбетовтің ерлігі өз қызметін адалдықпен орындауда көпке үлгі болады деп ойлаймын. Ұлттық ұлан қолбасшылығы полковникті мемлекеттік марапатқа ұсыну туралы өтініш жолдады. Мен оларды қолдаймын. (...)  Сіздерден де Ұлттық ұланның Үмбетовті мемлекеттік марапатқа ұсыну туралы Мемлекет басшысына жолдаған өтінішін қолдауларыңызды сұраймын", - деді ол.

Еске салайық, оқиға 7 сәуірде сағат 11.00 шамасында Қарағанды облысы Қарабас ауылындағы 6505 әскери бөлімінің жеке атқыштар ротасының оқу орталығында болған еді. Кейін Жарылыс кезінде сарбазды өз денесімен жапқан Қайрат Үмбетов нағыз офицердің әрекеті екенін айтқан еді. "Бұл қарапайым күн болды. Мен кез келген офицер баруы тиіс болған әрекет жасадым. Өзімді батырмын деп есептемеймін. 21 жылдан бері қызмет етіп келемін, қазіргі қызметіме 1 жыл бұрын келдім. Бүгінгі жағдай қателік емес, бұл кез келген адамның басында болуы мүмкін. Сарбаз барлығын дұрыс жасады. Бұған дейін олар оқу гранаттарымен жұмыс істеген болатын, ал жауынгерлік гранатаны қолыңа алған кезде бәрі басқаша", - деді Үмбетов брифингте.  


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай