Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Мамин Қазақстан шекарасын күшейтілген бақылауда ұстауды жалғастыруды тапсырды 09 желтоқсан 2021, 09:46

ҚР премьер-министрі Асқар Маминнің төрағалығымен өткен Үкімет отырысында елдегі санитарлық-эпидемиологиялық жағдай қаралды, - деп хабарлайды
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Сурет: Primeminister.kz Сурет: Primeminister.kz

ҚР премьер-министрі Асқар Маминнің төрағалығымен өткен Үкімет отырысында елдегі санитарлық-эпидемиологиялық жағдай қаралды, - деп хабарлайды Tengrinews.kz тілшісі Primeminister.kz сайтына сілтеме жасап. 

Денсаулық сақтау министрі Алексей Цой санитарлық-эпидемиологиялық жағдай тұрақты болып тұрғанын айтты. Коронавирус инфекциясынан ауырып жатқан науқастардың саны азайып жатыр, инфекциялық төсек-орындар - 24 пайыз, реанимациялық төсектердің 21 пайызы толы.

Қазір коронавирус инфекциясының таралу қарқыны бойынша өңірлердің көбі "жасыл аймақта" орналасқан. Нұр-Сұлтан қаласы, Қарағанды, Павлодар, Қостанай және Солтүстік Қазақстан облыстары "сары аймақта", Ақмола облысы "қызыл аймақта" тұр.

Сурет: Primeminister.kz

Бүгінгі таңда 8,8 миллионнан аса адам вакцинаның бірінші компонентін алды - бұл ересектердің 77,5 пайызы, сондай-ақ, 8,2 миллионнан аса адам немесе ересектердің 72,4 пайызы екінші компонентін алды.

Үкімет басшысы вакциналау қарқыны төмен Маңғыстау, Қостанай және Батыс Қазақстан облыстарында халықты вакциналаумен және ревакцинациямен қамтуды ұлғайтуды тапсырды.

Әкімдіктерге денсаулық сақтау, ақпарат және қоғамдық даму министрліктерімен бірлесіп, халық арасында ревакциналау қажеттілігі туралы ақпараттық-түсіндіру жұмысын жүргізуді тапсырды.

"Коронавирус инфекциясынан қорғанудың негізгі тиімді құралы - вакцина алу мен ревакциналау", - деді А. Мамин.

Шетелде вирустың жаңа штамының таралуын ескере отырып, премьер-министр елге сырттан келетіндерге мемлекеттік шекарада күшейтілген бақылауда ұстауды жалғастыруды тапсырды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Подпишись на почтовую рассылку Tengrinews.kz. Получай все самое главное за неделю каждую пятницу на свой адрес.


Join Telegram