Маңғыстау облысындағы кен орнында ереуілге шыққандардың талабы орындалатын болды

25 Қыркүйек, 12:09
0
Маңғыстау облысындағы кен орнында ереуілге шыққандардың талабы орындалатын болды - Видео кадрынан
Видео кадрынан

Маңғыстау облысының әкімдігі Қарақұдық және Солтүстік Бұзашы кен орындарындағы жұмысшылардың ереуіліне қатысты пікір білдірді, - деп хабарлайды Tengrinews.kz тілшісі. 

"Биыл 23 қыркүйекте "Синопэк Қазақстан" кәсіпорны ақтаулық филиалының 100-ге жуық қызметкері сағат 17:00 шамасында Қарақұдық және Солтүстік Бұзашы кен орындарында жұмысты тоқтатып, жалақыны 100 пайызға өсіруді талап етті", - делінген ведомство хабарламасында. 

Әкімдіктің мәліметінше, жұмыс беруші мен еңбек ұжымының бастамашыл тобының келіссөздері 24 қыркүйекте күні бойы жалғасқан.

"Келіссөз нәтижесі бойынша, сағат 20:00-де барлық қызметкер жұмысқа шықты. Тараптар келесі шешімге келді: жалақы мөлшерін "М-Техсервис" ЖШС Маңғыстау филиалының жалақысымен бір деңгейге келтіру (компания Солтүстік Бұзашы кен орнындағы осындай жұмыс түрімен айналысады)", - деп жазылған әкімдік хабарламасында.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай