+7 (777) 001 44 99
Қазақша
Русский
English
Қазақша
Русский
English
Маңғыстау облысында оқушылар жаппай уланған оқиғалардан кейін мемлекеттік бақылау тәсілдері өзгермек, - деп хабарлайды Tengrinews.kz тілшісі.
Яғни бұл балалар болатын нысандарға ерекше мәртебе беруге, жан-жақты бағалау үшін тексерістер туралы алдын ала хабарламаны алып тастауға, сондай-ақ, нысандарды санитариялық-эпидемиологиялық талаптарға сәйкес келтіру мақсатында мониторинг сапарларын енгізуге бағытталған.
"Мемлекет басшысының тапсырмасы шеңберінде Денсаулық сақтау министрлігі Бас прокуратурамен келісе отырып, Маңғыстау облысының білім беру мекемелерінде санитариялық-эпидемиологиялық талаптар сақталуына жоспардан тыс тексеріс жүргізіп жатыр. Өңірде тексеру үшін барлығы 72 нысан айқындалды, бүгінгі таңда 14 мектептің ас блогы тексерілді. Улану жағдайларын тергеп-тексеру және мектептегі тамақтанудың қауіпсіздігін қамтамасыз ету мақсатында Оқу-ағарту, Денсаулық сақтау министрлігін, Бас прокуратураны қоса алғанда, мүдделі органдардың өкілдерінен тұратын ведомствоаралық жұмыс тобы құрылды", - деп жазылған хабарламада.
Денсаулық сақтау министрлігінен ведомствоаралық жұмыс тобы құрамына Ақтөбе, Жамбыл, Қостанай облыстарының, Алматы қаласының санитариялық-эпидемиологиялық бақылау департаменттерінен және ҚР ДСМ "Қоғамдық денсаулық сақтау ұлттық орталығы" ШЖҚ РМК санитариялық-эпидемиологиялық сараптама және мониторинг ғылыми-практикалық орталығынан 7 маман кірген.
Еске салайық, бұған дейін Мемлекет басшысы Маңғыстау облысының денсаулық сақтау жүйесінде кемшіліктер барын айтты. Президент Маңғыстауда оқушылар жаппай уланған жайттар туралы да мәлімдеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
