+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы марафоны кезінде "От правды не убежишь" деп жазылған плакат ілгені үшін Ася Тулесова мен Бейбарыс Толыбековты 15 тәулікке қамау үкімі өзгеріссіз қалды, - деп хабарлайды Tengrinews.kz тілшісі.
Алматы марафоны кезінде "От правды не убежишь" деп жазылған плакат ілгені үшін Ася Тулесова мен Бейбарыс Толыбековты 15 тәулікке қамау үкімі өзгеріссіз қалды, - деп хабарлайды Tengrinews.kz тілшісі.
Алматы қалалық сотында марафон кезінде ұсталған екі адамның аппеляциялық арызы бойынша тыңдалым өтті.
"Аппеляциялық инстанцияда сот шешімімен 21 сәуірде әкімшілік сот шығарған үкімді өзгеріссіз қалдырды, арыз қанағаттандырылмад", - деді судья.
Плакатпен акция үшін қамауға алынғандар істі тоқтатып, босатуды сұрады.
"Мен өзімді кінәлімін деп ойламаймын. Мен босатуды сұраймын. Біз досымыз екеуіміз марафон қатысушыларына қолдау білдіргіміз келді. "От правды не убежишь", "У меня есть выбор" сөздері жазылған плакатты жайып, әділ сайлау өткізу үшін марафоншылардың назар аударуын қаладық", - деді Ася Тулесова.
Алматы марафоны кезінде плакат ілу бойынша тағы үш адам жауапкершілікке тартылып жатыр
"Қазір жергілікті полиция қызметі басқармасының мәліметінше, тағы үш адамға қатысты ҚР Әкімшілік құқық бұзушылық туралы кодексінің 488-бабы 1-бөлігі бойынша әкімшілік хаттамалар толтырылып жатыр (Қазақстан Республикасының бейбiт жиналыстарды, митингiлерді, шерулерді, пикеттер мен демонстрацияларды ұйымдастыру және өткiзу тәртiбi туралы заңнамасын бұзу - автор түсіндірмесі). Бұл дегеніміз, жақын арада олар да сот алдына шешім шығару үшін барады деген сөз", - деді Алматы қалалық полициясы департаментінің ресми өкілі Салтанат Әзірбек.
Осыған дейін, марафон кезінде "От правды не убежишь" жазбасы бар плакат ілгені үшін жігіт пен қызды ұстаған еді.
"Осы шараны өткізу туралы қала тұрғындарына алдын ала хабарланған болатын, полиция күшейтілген тәртіпте қоғамдық тәртіпті сақтау және марафонға қатысушылардың қауіпсіздігін жүзеге асырды. Алматы қаласының мамандандырылған ауданаралық әкімшілік сотының 21 сәуірде шығарған үкімімен 1984 жылғы А.Т. Тулесова және 1998 жылғы Б.Ж. Толымбеков әкімшілік құқық бұзушылық жасағаны үшін кінәлі деп танылып, 15 тәулікке қамауға алынды. Қазіргі уақытта сот актісіне прокурордың қатысуымен қалалық сот қарайтын апелляциялық шағым берілді", - деді құзырлы орган өкілдері.
Осыған дейін, осы жағдайға қатысты ішкі істер министрі Ерлан Тұрғымбаев Алматыда өткен марафон кезінде адамдарды ұстау шаралары жайлы пікір білдірген еді.
