+7 (777) 001 44 99
ПОДЕЛИТЬСЯ
Синоптиктер 2017 жылғы маусым айына арналған консультативтік болжам жасады, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Синоптиктер 2017 жылғы маусым айына арналған консультативтік болжам жасады, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
"Айдың басында батыс аймақтар ауа-райына белсенді циклондар ықпал ететін болады, ауа-райының нашарлау жағдайына себеп болып: нөсерлі жаңбыр, найзағай, бұршақ, солтүстік-батыс желінің күші 15-20 метр секундына жетіп, түнде ауа температурасының 5-13 жылыға дейін, күндіз 15-23 дейін төмендеуі күтілелді. Еліміздің қалған аумағына оңтүстік-батыс ағындарымен жылы ауа массалары келеді, осыған байланысты еліміздің солтүстігінде ауа температурасы күндіз 25-33 дейін жылы, ал оңтүстікте 30-39 жылыға дейін жоғарылайды. Алайда, жылыну қысқа мерзімді болады, алдағы демалыс күндері батыс аймақтардағы ауа райы нашарлап, шығыс бағытына ауысып, Қазақстанның басқа да облыстарын қамтитын болады", - делінген хабарламада.
Осы ретте, синоптиктер келесі аптаның ортасы (7-8) маусымда, еліміздің солтүстігі мен орталығының кей жерлерінде жаңбыр, найзағай болып, жеке аудандарда бұршақ жауатынын да ескертеді. "Солтүстік бөлікте түнде ауа температурасы 2-7 жылыға дейін төмендейді, ауа-райы ашылған кезде, топырақта үсік 1 градусқадейін, күндіз 12-20 дейін жылы, оңтүстікте түнде 8-15 дейін жылы, күндіз 20-25 дейін жылы болуы мүмкін", - дейді мамандар.
Болжамға сәйкес айдың екінші және үшінші онкүндіктерінде салқындаудың кезекті екі толқыны күтілуде.
Маусым айында орташа ауа температурасы көпжылдық мәндерге жақын болады деп күтіледі. Ерекшелік тек республиканың оңтүстiгі, оңтүстiк-шығысы мен шығысында болып, температура нормадан 1 градус жоғары болады.
Жауын-шашынның айлық мөлшері Батыс Қазақстан, Ақтөбе, Қостанай, Солтүстік Қазақстан, Ақмола және Қарағанды облыстарында нормадан жоғары, ал қалған аумақта климаттық нормаға жуық болады деп күтіледі.
