1. Басты
  2. Біл
  3. Жаңалықтар
  4. Ел жаңалықтары

Медициналық сақтандыру қорына жыл сайын қанша қаражат жұмсалатыны белгілі болды02 маусым 2017, 11:00

© pixabay.com © pixabay.com

Денсаулық сақтау министрі Елжан Біртанов "Хабар" телеарнасына берген сұхбатында медициналық сақтандырудың барлық қызметіне қанша қаражат жұмсалатынын айтты, - деп хабарлайды Tengrinews.kz тілшісі.

"Медициналық сақтандырудың барлық қызметіне жылына 600 миллиард теңге қажет. Бұл сан халық саны мен олардың медициналық көмекке жүгінуінен шығып отыр. Заң күшіне енді, енді ол барлық адамға міндеттеледі: қызметкерлер, жеке кәсіпкерлер, жұмысшылар - барлығы аударым жасап отыруы тиіс", - деді министр телеарнаға берген сұхбатында.

Сондай-ақ, министр қорда ақшаның жиналатынына сенімділік білдірді.

"Бізде осы жылы бірінші қаражат ретінде 22 миллиард теңгеміз бар, ал жалпы негізі кем дегенде 57 миллиард теңге керек. Осы қаражат келесі жылы болуы мүмкін қауіп-қатерлерді жоюы керек. Мұның барлығы қордың қаражат жағынан тұрақсыздығын қамтамасыз ету мақсатында талап етіліп отыр", - деді министр.