1. Басты
  2. Біл
  3. Жаңалықтар
  4. Ел жаңалықтары

Медведев Назарбаевты құттықтады 19 қаңтар 2021, 16:21

Елбасы Нұрсұлтан Назарбаев "Единая Россия" бүкілресейлік саяси партиясының төрағасы, Ресей Федерациясы Қауіпсіздік Кеңесі төрағасының орынбасары
Фото:akorda.kz Фото:akorda.kz

Елбасы Нұрсұлтан Назарбаев "Единая Россия" бүкілресейлік саяси партиясының төрағасы, Ресей Федерациясы Қауіпсіздік Кеңесі төрағасының орынбасары Дмитрий Медведевпен телефон арқылы сөйлесті, - деп хабарлайды Elbasy.kz.

Медведев Елбасын Қазақстан Республикасы Парламенті Мәжілісі депутаттарының кезекті сайлауындағы "Nur Otan" партиясының жеңісімен құттықтап, дауыс беру нәтижелері халықтың және елдің өркендеуін қамтамасыз етуге бағытталған партияның жалпыұлттық сенімі мен стратегиялық бағытына қолдау көрсетілетінін айғақтайтынын атап өтті.

Нұрсұлтан Назарбаев Дмитрий Медведевке жылы сөздері үшін алғыс айтып, Қазақстан-Ресей стратегиялық әріптестік пен одақтастық қатынастарының рухы мен мазмұнына толық сай келетін "Nur Otan" және "Единая Россия" партиялары арасындағы ынтымақтастықтың жоғары деңгейін атап өтті.

Сондай-ақ, олар алдағы кезеңде екі елдің билеуші партиялары желісі бойынша өзара іс-қимылды одан әрі тереңдету және кеңейту туралы айтты.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!