Мыңдаған алматылық жарықсыз қалды, - деп хабарлайды Tengrinews.kz тілшісі. Бұл туралы қала әкімінің баспасөз хатшысы Әсет Мұқажанов мәлімдеді.
"Нұркент 1-2 және Алмалы ықшамаудандарындағы жағдай туралы. 20 қыркүйекте Момышұлы мен Рысқұлов көшелерінің қиылысындағы жаңадан салынып жатқан мейрамхана жанында жер асты жұмыстарын жүргізу кезінде Нұркент 1-2 (Атлеттер ауылы), Алмалы ықшамаудандары мен №201 мектеп пен балабақшаны электр жарығымен қамтамасыз ететін кабель зақымданған", - делінген хабарламада.
Соның салдарынан 5365 жеке және 44 заңды тұлға жарықсыз қалған. Апатты жоюмен "АЖК" АҚ-ның 3 арнайы техникасы және 5 жұмысшы айналысуда. Кешкі сағат 19.00-де электр жарығы қайта беріледі.
