Синоптиктер 8 мамырға арналған ауа райы болжамын жариялады, - деп хабарлайды Tengrinews.kz тілшісі.
"Қазгидромет" орталығының мәліметінше, ертең, 8 мамырда республиканың солтүстігінде атмосфералық фронттардың өтуіне байланысты жауын-шашын, найзағай, желдің күшейуі күтіледі, бұршақ жаууы мүмкін. Кей жерлерінде тұман түседі.
Сонымен қатар, Ақмола, Қостанай, Шығыс Қазақстан, Жамбыл облысының кей жерлерінде тұман түсіп, жел күшейеді.
"Солтүстік Қазақстан облысында жел 15-20, екпіні секундына 23-28 метр, күндіз кей жерлерінде 15-20 метр болады, тұман, найзағай күтіледі, бұршақ жаууы мүмкін. Қарағанды облысының кей жерлерінде тұман, найзағай, күндіз күшті жел күтіледі", - делінген хабарламада.
Сондай-ақ, Алматы облысының кей жерлерінде түнде тұман түседі. Павлодар облысының кей жерлерінде найзағай, желдің күші секундына 15-20 метрге жетеді.
