Назарбаев әкімдерге ескерту жасады

05 Қазан 2018, 12:53
0
Назарбаев әкімдерге ескерту жасады -

Нұрсұлтан Назарбаев әкімдерге ескерту жасады, - деп хабарлайды Tengrinews.kz тілшісі.

"Жайлы өмір сүруге не қажет? Қолжетімді баспана сапасын жақсарту. Бүгінде "Нұрлы жер" бағдарламасын сәтті іске асырып келеміз, бұл бағдарлама тұрғын үй құрылысына дем берді: жеке құрылысқа да, жалпы құрылысқа да. Жаңа "7-20-25" ірі әлеуметтік бағдарламасын бастадық, бұл тұрғын үй ипотекасының қолжетімдігін арттырады. Жақсы бағдарлама ма? Жанұяда екі адам жұмыс істесе мұндай ипотеканы алу оп-оңай. 7 пайыздық мөлшерлеме - қалғанымен мемлекет айналысады. Бастапқы жарна үй бағасының 50 пайызы еді, енді 20. Бастапқыда қарызды 10 жылда жабу қажет еді, енді 25. Яғни салыстырып көрсеңіз, жер мен көктей. Бұл қалай жүзеге асады? Тұрғындарға бұл маңызды. Әлі күнге жүзеге аспаған. Президент айтты дейді, бірақ солар қайда? Қазір қанша өтінім бар, кім біледі?", - деп сұрады Президент.

Ұлттық банк басшысы Данияр Ақышев екі мыңнан аса өтінімнің мақұлданғанын айтып жауап қатты. 

"Екі мың ғана мақұлданды ма? Ниеттілер жоқ па әлде жағдай жасалмаған ба? Бағдарлама жарияланды, неге жұмыс істемейді? Банктерге не керек?", - дейді Назарбаев. 

"Жұмыс істемейді, үкімет жұмыс істеп жатқан жоқ, әкімдер жұмыс істемейді! Барлық әкімге айтарым, халықтың жағдайын жасау үшін басқа не керек? Не қажет? Барлығын бердік. Барлық әкімге ескерту айтамын. Бұл қызметтеріңіздің жыл соңындағы бағасы болмақ. 2019 жылы бұл қызметте қалатын-қалмайтындарыңыз осыған байланысты", - деді Президент. 

Мемлекет басшысы мысал ретінде Астананың бұрынғы әкімі Әсет Исекешевті айтты. 

"Ол Астанада жұмыс істеген кезінде жеңілдігі бар ипотекалардың алғашқы жарнасын жергілікті бюджет есебінен ішінара субсидиялауды енгізді. Іс тындырды. Қалай істедің, айтып берші. Бұл мұғалімдерге, полицейлерге, барлығына бастапқы жарнасын субсидиялауға мүмкіндік береді", - деді Елбасы.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай