Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Назарбаев армияға әрдайым тас-түйін дайын және бес қаруы сай болуға кеңес берді

28 Желтоқсан 2015, 14:31
3
© Akorda.kz
© Akorda.kz

Елбасы Қорғаныс министрлігінің басшылығымен кездесті, - деп хабарлайды Tengrinews.kz тілшісі Ақордаға сілтеме жасап.

Кеңес барысында елдің қорғаныс қабілетін және әскерлердің жауынгерлік дайындығын арттыру жөніндегі Қарулы Күштер қызметінің 2015 жылғы қорытындылары талқыланды. Нұрсұлтан Назарбаев армияның қазіргі заманғы әскери және террорлық қатерлердің алдын алу мен болдырмаудағы маңызды ролін атап өтті.

"Әрбір қазақстандық өз қауіпсіздігі туралы ойлай отырып, ең алдымен Қарулы Күштерімізге үміт артады. Сондықтан ешқайсыңыз мұны ұмытпауларыңыз керек. Сіздер өздеріңіз әрдайым тас-түйін дайын және бес қаруларыңыз да сай болғаны жөн. Мемлекет өз тарапынан армияға қажетті барлық жағдайды жасауға тиіс. Сіздердің міндеттеріңіз - офицерлер мен сарбаздарды тәрбиелеу және сапалы деңгейде даярлау", - деді Мемлекет басшысы.

Сонымен қатар, Жоғарғы Бас Қолбасшы Қарулы Күштердің әскери қызметшілері қарулы қақтығыстардың жаңа үрдістері мен ерекшеліктерін ескеру керегін, кәсіби, жауынгерлік және моральдық-психологиялық даярлық деңгейін ұдайы арттырып отыруға тиістігін айтты. Іс-шара соңында Мемлекет басшысы Қарулы Күштерді 2016 жылғы дамытуға байланысты бірқатар міндет қойды және офицерлерді алдағы мерекемен құттықтап, басшылық құрамға жаңа қызметтік көлік кілттерін тапсырды. 


Нравится
Поделиться
Пікірлерді көру (3)
Оқылып жатыр
Талқыланып жатыр
Бүгін
Апта
Ай