ҚР Президенті Нұрсұлтан Назарбаев "Әулие ата" халықаралық әуежайының жолаушыларға арналған жаңа терминалында болды, - деп хабарлайды Tengrinews.kz тілшісі Ақордаға сілтеме жасап.
Нысанды аралау барысында Мемлекет басшысына жаңа терминал таныстырылып, әуежайды қайта жөндеу, арнаулы жаңа техникалар алу бағытында атқарылған жұмыстар жөнінде баяндалғаны хабарланып отыр.
Айта кетейік, "Әулие ата" әуежайы әуежай кешенін, аэровокзалды, аэродромды, авиациялық-техникалық базаны қамтиды. Сондай-ақ онда ұшуды радио құралдары көмегімен және жарықпен қамтамасыз етуге арналған құрылғылар, түрлі техникалар және басқа да жабдықтар бар.
