Назарбаев Бари провинциясында болған пойыздар апатына байланысты көңіл айтты

13 Шілде 2016, 10:43
1
Назарбаев Бари провинциясында болған пойыздар апатына байланысты көңіл айтты - © Тұрар Қазанғапов
© Тұрар Қазанғапов

Мемлекет басшысы Италия Республикасының премьер-министрі Маттео Ренциге Бари провинциясында болған пойыздар апатына байланысты көңіл айту жеделхатын жолдады, - деп хабарлайды Tengrinews.kz тілшісі Ақордаға сілтеме жасап.

Жеделхатта Қазақстан Президентінің жолаушылар пойыздарының соқтығысуы салдарынан ондаған италиялық азамат опат болғаны туралы суыт хабарды зор күйзеліспен қабылдағаны жазылған.

Нұрсұлтан Назарбаев ауыр қайғыға ортақтаса отырып, қаза болғандардың туыстары мен жақындарына Қазақстан халқының және жеке өзінің атынан көңіл айтты, сондай-ақ зардап шеккендердің тезірек сауығып кетуіне тілектестік білдірді.

Еске салайық, Италияның оітүстігінде екі пойыз бетпе-бет соқтығысып, соңғы мәліметтер бойынша, 25 адам қаза тапқан болатын. Жарақат алғандар болса ауыр жағдайда жатыр. Әзірше пойыздардың қалайша бетпе-бет соғысып жүргені белгісіз. Тергеу органдары бұған адам факторы себеп болуы мүмкін дегенді айтады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай