Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Назарбаев: Биыл 17 жасқа толған Елорда - ел тағдырымен еншілес менің өмірімнің мәнді бөлшегі

14 Шілде 2015, 12:14
2
©Akorda.kz
©Akorda.kz

Қазақстан Республикасының Президенті Нұрсұлтан Назарбаев  туған күніне және Астана күніне байланысты келіп түскен құттықтаулар авторларына сөз арнады, - деп хабарлайды Tengrinews.kz тілшісі Ақордаға сілтеме жасап.

Мемлекет басшысы оның атына Астана күніне және мерейтойына байланысты көптеген хаттар мен жеделхаттар келіп түскенін атап өтті.

"Құттықтаушылар қатарында мемлекеттердің, халықаралық ұйымдар мен компаниялардың басшылары, қоғам өкілдері және ел азаматтары бар. Жылы лебізді тілектер әлемнің түкпір-түкпірінен және еліміздің барлық өңірінен келді", - делінген ҚР Президентінің арнайы сөзінде.

Ол сонымен қатар, өзін мектеп оқушыларының жіберген өлеңдер, суреттер мен құттықтауларының толқытқанын айтты. "Әсіресе, мені толқытқаны - жасөспірім мектеп оқушылары өз өлеңдерін, суреттерін, құттықтауларын жолдап жатты. Бұл адамның жүрегін тебірентеді. Биыл 17 жасқа толған Елорда - ел тағдырымен еншілес менің өмірімнің мәнді бөлшегі", - деді ол.

"Астана күнімен қабат келген мерейтойыма арналған ең қымбат сыйлық - Қазақстанның жеткен жетістіктері. Өмірін мемлекеттің мерейлі, халқымның бақытты болуына арнаған мен үшін көптің шынайы ықыласынан артық ештеңе жоқ. Осындай қолдау, әрине, жігерлендіреді, халыққа қызмет етуге, белгіленген бағдарламаларды орындауға күш береді. Жылы лебізді құттықтаулар үшін баршаңызға шын жүректен зор ризашылық білдіремін! Әрқайсыңызға жеке-жеке ризашылығымды білдіруге де болар еді, бірақ ол мүмкін емес. Сондықтан менің осы айтқан сөздерімді әрқайсыңызға ризашылығым мен рахметім деп білерсіздер. Өз тарапымнан баршаңызға зор денсаулық, бақ-береке тілеймін!", - деп аяқтады Назарбаев өз сөзін.


Нравится
Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай