Назарбаев бюджеттік саладағы қызметкерлердің жалақысын өсіруді тапсырды

27 Ақпан, 11:40
4
Назарбаев бюджеттік саладағы қызметкерлердің жалақысын өсіруді тапсырды - © Тұрар Қазанғапов
© Тұрар Қазанғапов

Қазақстан Президенті Нұрсұлтан Назарбаев 2019 жылдың 1 шілдесінен бастап әлеуметтік бюджеттік саладағы қызметкерлердің жалақысын 30 пайызға өсіруді тапсырды, - деп хабарлайды Tengrinews.kz тілшісі.

"Қазір бұл бағдарлама денсаулық, білім беру, әлеуметтік қорғау, мәдениет, спорт, ауыл шаруашылығы және басқа да саладағы миллион қызметкерлердің жанына тиеді. Осы жылдың 1 шілдесінен бастап әлеуметтік бюджеттік салада төмен жалақы алатын қызметкерлердің жалақысын 30 пайызға өсіруді тапсырамын", - деді Нұрсұлтан Назарбаев Тәуелсіздік сарайында өтіп жатқан "Нұр Отан" партиясының кезекті XVIII съезінде.

Сондай-ақ, Мемлекет басшысы аудандардағы, облыстардағы атқарушы органдарда төмен жалақы алатындардың жалақысын орташа есеппен 25 пайызға өсіруді тапсырды.

"Бүгінде қазақстандық отбасылардың әл-ауқатын арттыруға бағытталған шараларды күшейту маңызды. Девальвацияның болуына байланысты біздің биржалық тауарлар тұрақсыз болды, жалақы да төмендеді", - деді Назарбаев.

Айта кетейік, бүгін Астанадағы Тәуелсіздік сарайында "Нұр Отан" партиясының кезекті XVIII съезі өтіп жатыр. Онда партия 20 жылдық жұмыстың қорытындысын талқылап, 2030 жылға дейін арналып жасалған бағдарламаның негізгі бағыттарын анықтап жатыр.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (4)
Оқылып жатыр
Талқыланып жатыр
Бүгін
Апта
Ай