Назарбаев жыл соңына дейін латын әліпбиіне көшу жобасын даярлауды ұсынды

12 Сәуір 2017, 11:43
21
Назарбаев жыл соңына дейін латын әліпбиіне көшу жобасын даярлауды ұсынды -

Саясаттанушы Ерлан Қарин Tengrinews.kz тілшісіне берген сұхбатында Қазақстан Президентінің 2017 жылдың соңында дейін латын әліпбиіне көшу жобасын даярлауды ұсынғанын айтты.

"Президент "Болашаққа бағдар: рухани жаңғыру" мақаласында латын әліпбиіне көшу туралы идеяға қайта тоқталып, осы идеяны жүзеге асыруға қатысты нақты жоспарларды айтады. 2017 жылдың аяғына дейін ғалымдардың көмегімен, барша қоғам өкілдерімен ақылдаса отырып, қазақ әліпбиінің жаңа графикадағы бірыңғай стандартты нұсқасын қабылдау керек. 2018 жылдан бастап жаңа әліпбиді үйрететін мамандарды және орта мектептерге арналған оқулықтарды дайындауға кірісуіміз қажет. ", - деп келтірді Мемлекет басшысының сөзін Ерлан Қарин.

Саясаттанушының айтуынша, Президент бұл жолы нақты жоспарды айтып, тіпті белгілі бір мерзімдерді атап өтті.

"Латын әліпбиіне көшу - жай әліпбиді ауыстыра салу емес, ол біз үшін өркениетті шешім. Бұл біздің ашық әлемнің бір бөлігі болуға талпынуымызды, алға жылғымыз келетінін растайды және бұл осыған дейін Қазақстандағы білім беру жүйесін жетілдіру туралы идеялармен байланысты болып тұр", - деді саясаттанушы.

Айта кетейік, мемлекеттік БАҚ-тарда Нұрсұлтан Назарбаевтың "Болашаққа бағдар: рухани жаңғыру" атты мақаласы жарияланып жатыр. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (21)
Оқылып жатыр
Талқыланып жатыр
Бүгін
Апта
Ай