Назарбаев өкілеттігін тоқтатар кезде кімге хабарласқанын айтты 21 қазан 2021, 21:53
Қазақстанның Тұңғыш Президенті - Елбасы Нұрсұлтан Назарбаев 2019 жылы өкілеттігін тоқтататынын қай елдің президентіне бірінші айтқанын мәлімдеді, - деп хабарлайды Tengrinews.kz тілшісі.
Бұл туралы Назарбаев "Штрихи к портрету. Откровение" деректі фильмінде айтты.
"Мұндай нәрсені жан-жаққа айтуға болмайды. Ешкімге айтқан жоқпын. Тек сол күні ертеңгісін Путинге (Ресей президенті Владимир Путин - авт.) хабарластым, қанша дегенмен көршіміз ғой. Ол қатты таңғалды. "Бүгін кешке хабарланады, оны менің аузымнан естігеніңіз жөн деп шештім" дедім. Болды. Басқа елдердің басшылары мұны білген жоқ", - деді Назарбаев.
Еске салайық, 2019 жылы 19 наурызда Назарбаев өкілеттігін тоқтатқанын мәлімдеген болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!