Назарбаев Өзбекстан президентіне: Сізге сенім артамыз

23 Наурыз 2017, 12:12
0
Назарбаев Өзбекстан президентіне: Сізге сенім артамыз - © akorda.kz
© akorda.kz

Нұрсұлтан Назарбаев Ақордада Өзбекстан президенті Шавкат Мирзиеевты қабылдады, - деп хабарлайды Tengrinews.kz тілшісі.

"Мен Сізді Қазақстан жерінде бауырлас ретінде көруге қуаныштымын. Сізді күттік. Бұл президент ретінде алғаш келуіңіз. Өзбекстан халқының Сізді сайлауымен құттықтаймыз. Біздің стратегиялық серіктес, көршіміз және бауырлас елсіздер. Қазақстан өркендеуіңізге тілектес. Біз экономика өсімі, мәдени-гуманитарлық сала бойынша Өзбекстанға сенім артамыз, жеке Сізге. Сапарыңыз өнімді болу үшін бар жағдайды жасаймыз", - деді Елбасы Мирзиеевке.

Назарбаев екі жақты келісім аясында 75 құжатқа қол қойылатынын қоса айтты. 

"Келіссөздерді бастап кеттік. ашық шекаралар, көлік пен сауда бойынша істелген іс екі ел арасында сауда-саттықты арттырғанын айтқанбыз. Үлкен бизнес-форум өтіп жатыр. Екі елден 500 бизнесмен қатысып отыр. Миллиард долларды құрайтын 75 келісімшартқа қол қойылады. Бұл біздің тарихта алғаш рет болып отыр", - деді Қазақстан Президенті. 

Нұрсұлтан Назарбаев бұрынғы президент Ислам Кәрімовты еске алды. 

"Мен және Өзбекстанның түңғыш президенті Ислам Кәрімов қарым-қатынастың негізін салғанбыз. Менің бұрынғы досым. Жатқан жері жайлы болсын. Біз бұл дәстүрді бауырлар ретінде жалғастырамыз. Жақын елдер, адал көршілер бір-бірімізге көмектесіп, екі елдің құшағын ашамыз", - деп атап өтті Назарбаев. 

Еске салайық, Шавкат Мирзиеев 2016 жылдың 4 желтоқсанында Өзбекстанда өткен сайлауда 88,61 дауыс жинап, жеңіске жеткен. 14 желтоқсанда ол ресми түрде қызметіне кірісті.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай