+7 (777) 001 44 99
ПОДЕЛИТЬСЯ
Online режимінде ЕАЭО елдерінің мемлекет басшылары қатысатын Жоғары Еуразиялық экономикалық кеңестің отырысы басталды. Оған Президент Қасым-Жомарт Тоқаев төрағалық етеді, - деп хабарлайды Tengrinews.kz тілшісі.
Online режимінде ЕАЭО елдерінің мемлекет басшылары қатысатын Жоғары Еуразиялық экономикалық кеңестің отырысы басталды. Оған Президент Қасым-Жомарт Тоқаев төрағалық етеді, - деп хабарлайды Tengrinews.kz тілшісі.
Шараға Жоғары Еуразиялық экономикалық кеңестің құрметті төрағасы, Қазақстанның Тұңғыш Президенті Елбасы Нұрсұлтан Назарбаев, Ресей президенті Владимир Путин, Беларусь президенті Александр Лукашенко, Қырғызстан президенті Садыр Жапаров, Армения премьер-министрінің міндетін атқарушы Никол Пашинян, Еуразиялық экономикалық комиссия алқасының төрағасы Михаил Мясникович қатысады.
Сондай-ақ, Куба президенті Мигель Диас-Канел мен Өзбекстан президенті Шавкат Мирзиеевтің ЕАЭО жанындағы байқаушы мемлекеттердің басшылары ретінде қатысуы жоспарланған.
Мемлекеттер басшыларына ЕАЭО-ның ортақ газ нарығында баға мен тариф белгілеу тәсілдерін келісу және басқа елден газ тасымалдауға тариф белгілеу жөніндегі тапсырмалардың орындалуы туралы баяндама ұсынылады.
YouTube-та отырыстың онлайн-көрсетілімі жарияланған.
Сондай-ақ, ЕАЭО ішкі нарығындағы кедергілерді жою жөніндегі 2020 жылғы жұмыс нәтижелерін, көрсетілетін қызметтер саудасын, қызметті құру мен реттеу қағидаларында көзделген ережелердің 2019-2020 жылдары орындалуын талдау нәтижелерін талқылау жоспарланған.
"Жоғарғы Кеңес мүшелері қарауы мүмкін мәселелер:
- мүше мемлекеттердегі макроэкономика саясатының 2021-2022 жылдарға арналған негізгі бағдарлары;
- ЕАЭО мемлекеттерінің ауыл шаруашылығы өсімдік сорттарын сынау және тұқым шаруашылығы салаларындағы заңнамасын біріздендіруге бағытталған шаралар тізбесі;
- Жоғары Еуразиялық экономикалық кеңестің 2016 жылғы 26 желтоқсандағы шешімімен бекітілген мүлікті бағалау бойынша көрсетілетін қызметтер секторы бойынша ырықтандыру жоспарына өзгерістер;
- кедендік әкелу баждарының сомаларын есепке жатқызу және бөлу, оларды ЕАЭО-ға мүше мемлекеттер бюджеттерінің кірісіне аудару тәртібін сақтау мәселелері бойынша бірлескен бақылау шараларын жүргізу туралы келісім.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
