Санкт-Петербургте Нұрсұлтан Назарбаевтың Ресей президенті Владимир Путинмен жеке кездесуі басталды. Бұл туралы Елбасының кеңесшісі - баспасөз хатшысы Айдос Үкібай Twitter-парақшасында мәлімдеді, - деп хабарлайды Tengrinews.kz тілшісі.
Келіссөздер туралы толық ақпарат Elbasy.kz сайтында жарияланады.
Айта кетейік, 27 желтоқсанда Нұрсұлтан Назарбаев ТМД елдері көшбасшыларының бейресми кездесуіне қатысу үшін Санкт-Петербургке барғаны хабарланған болатын.
Сонымен қатар, шараға 28 желтоқсанда Ресейге барған Қазақстан Президенті Қасым-Жомарт Тоқаев та қатысады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!