Мемлекет басшысы Ресей Федерациясы Қауіпсіздік кеңесінің хатшысы Николай Патрушевті қабылдады, - деп хабарлайды Tengrinews.kz тілшісі Ақорданың баспасөз қызметіне сілтеме жасап.
Кездесу барысында қауіпсіздік саласындағы екіжақты ынтымақтастықтың ахуалы мен келешегі, халықаралық күн тәртібіндегі мәселелер, соның ішінде Украинаның оңтүстік-шығысындағы жағдай да талқыланды.
"Тараптар Еуразиялық экономикалық одақ аясындағы экономикалық ынтымақтастықтың жекелеген мәселелерін қозғады, сондай-ақ Таяу Шығыс пен Ауғанстандағы ахуалға байланысты жаңа сын-қатерлерді талқылады", - делінген хабарламада.
Айта кетейік, Николай Патрушев елімізге Қазақстан мен Ресейдің Қауіпсіздік кеңестері аппараттарының арасындағы жоспарлы консультацияларға қатысу үшін келді.
