1. Басты
  2. Біл
  3. Жаңалықтар
  4. Ел жаңалықтары

Назарбаев Шавкат Мирзиеевті сайлаудағы жеңісімен құттықтады05 желтоқсан 2016, 19:18

Нұрсұлтан Назарбаев Шавкат Мирзиеевті сайлаудағы жеңісімен құттықтады, - деп хабарлайды Tengrinews.kz тілшісі Ақордаға сілтеме жасап.

"Мемлекет басшысы Шавкат Мирзиеевті Өзбекстан Республикасындағы президент сайлауында жеткен жеңісімен құттықтады", - деп хабарлады Ақорданың Twitter желісіндегі баспасөз қызметі.

Еске сала кетейік, осыған дейін Өзбекстан президентінің міндетін атқарушы Шавкат Мирзиеевтің сайлауда жеңіске жеткені хабарланған болатын. Өзбекстан орталық сайлау комиссиясы 4 желтоқсанда өткен президент сайлауы нәтижесін жариялады. Орталық сайлау комиссиясының төрағасы Мирза-Ұлықбек Абдусаломов өткізген брифинг барысында Шавкат Мирзиеевтің сайлауда 88,61 пайыз дауыспен жеңіске жеткені белгілі болды.