Назарбаев Түркияға келді

©tengrinews мұрағатынан

Қазақстан Президенті Нұрсұлтан Назарбаев Түркияға келді, деп хабарлайды Tengrinews.kz Ақордаға сілтеме жасап.

"Нұрсұлтан Назарбаев Түркияға келді", - деп хабарлады Ақорданың Twitter-дегі ресми аккаунты. Сапардың негізгі мақсаты - Түркия президентін ұлықтау рәсіміне қатысу. Назарбаев Түркияға Минск қаласынан ұшып келді. Күні кеше ғана ол жақта Кедендік одақ елдері мен Украина президенттері, сондай-ақ Еуропалық одақ өкілдері қатысқан саммит өтті.

Айта кеткен жөн, Түркиядағы президенттік сайлау тамыздың 10-ы күні өткен болатын. Ел тарихында алғаш рет президентті жалпыхалықтық сайлау арқылы таңдады. 1923 жылдан бері оны парламент сайлап келген. Осы жолғы сайлауда премьер-министр Реджеп Тайып Ердоған жеңіске жетті. Ол барлық дауыстардың 52,1 пайызына ие болды. Оның қарсыластары - Ислам конференциясы ұймының экс-басшысы Эхмеледдин Ихсаноғлы - 38,8 пайыз, ал Демократия мен бейбітшілік партиясының тең төрағасы Салахаттин Демірташ дауыстың 9,1 пайызын жинады. Жалпы, сайлауға дауыс берушілердің 76 пайызы келді. Бұл - 38,7 миллион адам.

Сайлаудан кейін Назарбаев Ердоғанды құттықтап, оның Түркияның өсіп-өркендеуіне қосқан үлесін ерекше атап өтті. "Қазақстан мен Түркия арасындағы бауырластық байланыстар стратегиялық ынтымақтастық деңгейінде күшейе түседі деп білемін", - деді Президент өзінің құттықтау хатында.

Түркия Назарбаев Нұрсұлтан