1. Басты
  2. Біл
  3. Жаңалықтар
  4. Ел жаңалықтары

Новосібір әуежайында бір қанаты жоқ қазақстандық ұшақ тұр. Министрлік түсінік берді18 тамыз 2020, 20:51

© vk.com/act54 © vk.com/act54

Новосібірдің Толмачёво әуежайында қанаты жұлынған ұшақ байқалды. Куәгерлердің айтуынша, лайнер Қазақстан үкіметіне тиесілі болуы мүмкін, - деп хабарлайды Tengrinews.kz тілшісі ресейлік tayga.info басылымына сілтеме жасап.

"Толмачево әуежайында оқырман қанаты жұлынған Boeing 757-200 ұшағын байқаған, бұл Қазақстан үкіметіне тиесілі лайнер болуы мүмкін", - деп хабарлады "ВКонтакте" желісіндегі новосібірлік АСТ54 паблигі. Суреттен әке кемесінде Kazakhstan Air Force атауы жазылған. Ұшақ Қазақстанның әскери-әуе күштерінің ұшағы болуы мүмкін екені айтылады.

Қазақстанның Қорғаныс министрлігі бұған қатысты пікір білдірді.

"Кейбір бұқаралық ақпарат құралында "Толмачево" әуежайында (Новосибирск қ.) қанаты жыртылған қазақстандық ұшақтың болуы туралы хабарлама пайда болды. Индустрия және инфрақұрылымдық даму министрлігіне сілтеме жасай отырып, бұл ұшақ Қазақстан Республикасы Қорғаныс министрлігінің балансында тұр. Осы ақпарат бойынша Қорғаныс министрлігі мынаны хабарлайды. Қазақстанның Әскери-әуе күштерінің ұшағы (әуе басқару пункті) Ресей Федерациясының Новосибирск қаласында "S-7 ИНЖИНИРИНГ ҚБ" жоспарлы техникалық қызмет көрсетіліп жатқандықтан тұр. Жөндеу жұмыстары кезінде фюзеляждың жекелеген бөліктерін және басқа да тораптар мен агрегаттарды уақытша бөлшектеу талап етілуі мүмкін. Бұл жерде сенсациялық ештеңе жоқ, жұмыстар жоспарланған режимде жүзеге асырылады", - делінген ведомство хабарламасында.

Қорғаныс министрлігі БАҚ өкілдерін ресми дереккөздермен расталған тексерілген ақпаратты пайдалануға және сенсацияға ұмтылмауға шақырды.

Қазақстан жаңалықтары. Соңғы жаңалықтар. Telegram желісінде бізге жазыл!