1. Басты
  2. Біл
  3. Жаңалықтар
  4. Ел жаңалықтары

Нұр-Сұлтан әкімдігі карантинді жеңілдетуге дайындалып жатыр

Фото: Тұрар Қазанғапов Фото: Тұрар Қазанғапов

Нұр-Сұлтанда карантинді кезең-кезеңімен жеңілдетуге дайындық жүріп жатыр, - деп хабарлайды Tengrinews.kz тілшісі қала әкімдігінің ресми сайтына сілтеме жасап.

29 шілдеде Нұр-Сұлтан қаласы әкімінің орынбасары Бақтияр Макеннің төрағалығымен төтенше жағдайлардың алдын алу және жою жөніндегі қалалық комиссиясының қашықтан отырысы өтті.

Комиссия отырысында қатысушылар карантинді жеңілдетуге дайындық мәселелерін де талқылады. Қала әкімінің орынбасары аурудың таралуына жол бермеу үшін сауда орталықтары, сауда үйлері мен бизнес орталықтар басшыларымен ашылу кезінде карантин шараларын сақтау қажеттілігі туралы түсіндірме жұмыстарын жүргізуді, карантин кезінде қызметті жүргізуге рұқсат алу тәртібін әзірлеуді және кәсіпкерлерге кеңес беруді ұйымдастыруды тапсырды.

"Кәсіпорындар мен мекемелердің жұмысын жандандыру коронавирусқа дейінгі өмір салтына қайта оралуды білдірмейді. Міндетті түрде маска тағу, әлеуметтік қашықтық пен гигиена талаптары сақталады. Халыққа қызмет көрсететін барлық мекемелер, атап айтқанда, халыққа қызмет көрсету орталықтары, банктер, қызмет көрсету орталықтары әлеуметтік қашықтық белгілерін орнатуы керек.

Субъектілердің қызметі қайта басталған кезде, өртке қарсы жұмысты күшейту және өрт қауіпсіздігін қамтамасыз ету қажет. Талаптарды бұзғаны үшін жауапкершілік деңгейі жоғары болуы керек. Сондықтан, тауарлар мен көрсетілген қызметтердің сапасы мен қауіпсіздігін бақылау департаменті аудан әкімдіктерімен бірге барлық кәсіпкерлік субъектілерінің басшыларымен мақсатты түсіндіру жұмыстарын жүргізуі қажет", – деді Макен.

Сонымен қатар, қоршаған ортаны қорғау және табиғатты пайдалану басқармасына демалыс күндері қоғамдық орындарда ауқымды дезинфекция жүргізу, қауіпсіздік шараларын сақтау, оның ішінде маска тағу, әлеуметтік қашықтық сақтау бойынша полиция департаментіне рейдтерді жалғастыру тапсырылды.

Қазақстан жаңалықтары. Соңғы жаңалықтар. Telegram желісінде бізге жазыл!