Нұр-Сұлтанда 20-дан аса вирусолог коронавирус жұқтырған. Бұл туралы қалалық қоғамдық денсаулық сақтау басқармасының басшысы Сәуле Қисықова айтты, - деп хабарлайды Tengrinews.kz тілшісі.
"Зертханада жұмыс істейтін 20-дан аса вирусолог коронавирус жұқтырған. Олар күні-түні тәулік бойы жұмыс істейді. Олар да адам, робот емес", - деді Қисықова.
Сондай-ақ, басқарма басшысы елордада коронавирусты анықтауға арналған тест пен жасанды тыныс алдыру аппараттарын сатып алу бойынша жұмыстар жүргізіліп жатқанын айтты.
Коронавирус: маман кімдерге тест тапсырудың керегі жоғын айтты
"Соңғы 3 күнде орта есеппен 150-ден аса адам коронавирус инфекциясы жұқтыру дерегі тіркеліп жатыр. Олардың 50 пайызы - індеттің белгілері жоқ түрімен ауратындар. Өткен тәулік ішінде жедел жәрдем қызметін шақыру саны 3500-ден 3700-ге жетті. 2 000-нан астам қоңырау соғылды. Тек қана соңғы тәулік ішінде коронавирус инфекциясы бойынша қоңырау соғушылардың саны 427-ге жетті. Яғни қоңырау саны 8-ге өсті", - деді басшы.
Елордада эпидемиологиялық ахуал нашарлады - Қисықова
Айта кетейік, Қазақстанда вирус жұқтырғандар саны 15 552-ге жетті. 2 647 адам аурудан жазылса, 88 науқас көз жұмды.
Қазақстан жаңалықтары. Соңғы жаңалықтар. Telegram желісінде бізге жазыл!