City Transportation Systems компаниясының өкілдері Нұр-Сұлтанның коронавирус бойынша "қызыл" аймаққа кіруіне байланысты қоғамдық көліктің жұмысы туралы айтты, - деп хабарлайды Tengrinews.kz тілшісі.
Компания мәліметінше, жексенбі күні, 13 желтоқсанда қоғамдық көліктің жұмысы бір күнге тоқтатылады. Бұл күні дезинфекциялық жұмыстар жүргізіледі.
"Нұр-Сұлтан қаласының бас мемлекеттік санитар дәрігерінің қаулысына сәйкес қоғамдық көлік жұмыс күндері және сенбі күндері сағат 6:00-ден 23:00-ге дейін жүреді.
⠀
Дүйсенбі, 14 желтоқсаннан бастап бағдарлар қалыпты кестесіне сәйкес қатынайды. Қала тұрғындарын санитарлық нормаларды сақтауды және автобустарға бетпердесіз кірмеуді сұраймыз. Жол ақысы тек қолма-қол ақшасыз төленеді", - делінген хабарламада.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
