Нұр-Сұлтанда Mercedes-Benz өртенді 12 қыркүйек 2019, 16:05
Нұр-Сұлтан қаласының орталығында Mercedes-Benz өртенді, - деп хабарлайды Tengrinews.kz тілшісі.
Куәгерлер оқиғаның видеосы мен суреттерін редакцияға жіберді. Автомобиль Қонаев көшесі мен Тұран даңғылының бойында өртенді.
Оқиға орнына жеткен өрт сөндірушілер 12:46-да өртті толығымен сөндірді.
ҚР ІІМ ТЖК ресми өкілі Нұрсұлтан Нұрахметов 12 қыркүйекте "101" кезекші пультіне Mercedes-Benz маркалы автокөліктің өртеніп жатқаны туралы хабар түскенін айтады.
"Өрт сөндірушілер келген уақытта автомобильдің қозғалтқыш бөлігі мен салоны өртеніп жатқан. Дереу шара қолданылып, өрт сөндірілген. Зардап шеккендер мен қаза тапқандар жоқ. Өрттің неден шыққаны анықталып жатыр", - деді Нұрсұлтан Нұрахметов.
