1. Басты
  2. Біл
  3. Жаңалықтар
  4. Ел жаңалықтары

"Нұр-Сұлтанда тікұшақпен дәрі-дәрмек себіледі". WhatsApp-хабарлама фейк болып шықты

Бүгін елордада дезинфекция жүргізу үшін түнгі уақытта дәрі-дәрмектер себілетіні туралы хабарлама расталмаған болып шықты. Бұл туралы Нұр-Сұлтан әкімдігінің баспасөз қызметіндегілер айтты, - деп хабарлайды Tengrinews.kz тілшісі.

Елорда тұрғындары WhatsApp мессенджерінде осындай хабарламалар ала бастаған.

"Бүгін сағат 23.00 мен таңғы 5.00 аралығында қалада дезинфекция жүргізу үшін тікұшақтан дәрі-дәрмектер себіледі. Барлық терезе мен балкон жабық болуы тиіс, сағат 23.00-ден кейін далаға шығуға болмайды. Әскери бөлімдегілер осылай деді", - делінген хабарламада.

Айта кетейік, соңғы ресми деректер бойынша Қазақстанда коронавирус жұқтырғандардың саны 27 адамға жетті.

Қазақстандағы барлық ауруханада карантин жарияланды

Қазақстан жаңалықтары. Соңғы жаңалықтар. Telegram желісінде бізге жазыл!