Нұр-Сұлтандағы "Астықжан" сауда орталығындағы өрттен кейін қылмыстық іс қозғалды, - деп хабарлайды Tengrinews.kz тілшісі.
"Өрт бойынша "Астықжан" сауда орталығындағы жиһаз салонында келтірілген шығын мөлшерін анықтау үшін әкімдік өкілдері мен сауда үйінің басшылығымен жедел штаб құрылды. Қылмыстық кодекстің 292-бабы бойынша қылмыстық іс қозғалды, тергеу жүргізіліп жатыр", - деп хабарлады ПД баспасөз қызметі.
Өрт-техникалық сараптама тағайындалды.
Еске салайық, бүгін сағат 09:42-де Нұр-Сұлтандағы "Астықжан" сауда орталығында жиһаз салонынан өрт шыққан болатын. Өрт кезінде цех қызметкері терезеден секіріп кеткен. Нұр-Сұлтанның ТЖД баспасөз қызметінің мәліметінше, зардап шеккен қыз - 2001 жылғы қызметкер.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
