Нұрсұлтан Назарбаев елордадағы жаңажылдық кешке қатысты

29 Желтоқсан 2016, 22:39
0
Нұрсұлтан Назарбаев елордадағы жаңажылдық кешке қатысты -

Мемлекет басшысы елордадағы жаңажылдық қайырымдылық кешіне қатысты, - деп хабарлайды Tengrinews.kz тілшісі Ақордаға сілтеме жасап.

Нұрсұлтан Назарбаев қатысушыларға арнаған сөзінде еліміздің бүгінгі жетістіктері бүкіл қазақстандықтардың ортақ еңбегі мен бірлігінің жемісі екенін айтты.

Қазақстан Президенті келер жылы болатын ұлттық және халықаралық ауқымдағы ірі оқиғаларды атап өтті. Олардың қатарында дүниежүзілік Универсиада, ЭКСПО халықаралық көрмесі, Ислам ынтымақтастығы ұйымының саммиті бар.

Сондай-ақ, Елбасы мұқтаж жандарға көмек көрсету және қайырымдылық іс-шаралары халқымыздың игі дәстүрі екеніне тоқталды.

Соңында Нұрсұлтан Назарбаев жиналғандарды келе жатқан Жаңа жылмен құттықтап, баршаның отбасына бақ-береке, денсаулық, жаңа табыс тіледі.

Қайырымдылық кешінен түсетін барлық қаражат "Мейірім" ерікті қоғамы" қорына аударылатын болады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай