Нұрсұлтан Назарбаев қазақстандықтарды Пасха мерекесімен құттықтады

11 Сәуір 2015, 13:38
0
Нұрсұлтан Назарбаев қазақстандықтарды Пасха мерекесімен құттықтады - @Akorda.kz
@Akorda.kz

Қазақстан Президенті Нұрсұлтан Назарбаев қазақстандықтарды Пасха мерекесімен құттықтады, - деп хабарлайды Tengrinews.kz тілшісі Мемлекет басшысының баспасөз қызметіне сілтеме жасап.

"Сіздерді Пасха мерекесімен шын жүректен құттықтаймын! Ол адамдардың жүрегіне сенім мен үмітті, игілік пен бейбітшілікке ұмтылысты ұялататын терең адамгершілік мағынасы бар мейрам. Пасха игі істерге, қайырымды амалдарға, мейірімділік, өзара құрмет, отбасы мен өз халқына деген сүйіспеншілік сияқты шынайы рухани құндылықтарға бет бұратын мезет", - делінген құттықтауда.

Сонымен қатар, Мемлекет басшысы елімізде мақсатты мемлекеттік саясаттың арқасында татулық пен тыныштық орнағанын, діни сенім бостандығына кепілдік беріліп, Қазақстан атты үлкен отбасында өмір сүріп жатқан этностардың тілдері мен дәстүрлерін дамытуға барлық жағдайлар жасалғанын атап айтты.

"Елордамыз Астана жаһандық дінаралық және мәдениетаралық диалог орталықтарының біріне айналды. Астанада 2015 жылғы маусымда Әлемдік және дәстүрлі діндер лидерлерінің V съезі өтеді", - деді Назарбаев.

Ол бейбітшілік пен тыныштықты қолдауға, тұрақтылықты сақтауға Қазақстандағы Орыс Православие Шіркеуінің Митрополиттік аймағы, сондай-ақ басқа христиандық қауымдар салмақты үлес қосып жатқанын ерекше атап өтті.

"Осы жарқын мерекеде барша қазақстандықтарға өркендеу, жан тыныштығын, амандық және бүгіні мен ертеңіне деген сенімділік тілеймін!", - деді Мемлекет басшысы.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай