Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Нұрсұлтан Назарбаев Украинаға жұмыс сапарымен барады

19 Желтоқсан 2014, 18:08
0
©president.gov.ua
©president.gov.ua

Назарбаев Украинаға жұмыс сапарымен барады, - деп хабарлайды Tengrinews.kz тілшісі Ақорданың баспасөз қызметіне сілтеме жасап. 

"22 желтоқсанға Қазақстан Президентінің Украинаға жұмыс сапары жоспарланған, оның барысында сол елдің басшылығымен келіссөздер жүргізіледі", - делінген хабарламада. 

Айта кетейік, өткен тамыз айында Минскіде Нұрсұлтан Назарбаев Украина президенті Петр Порошенкомен кездескен болатын. Назарбаев Украина президентіне Қазақстанның Украинамен қарым-қатынасты дамытуды жалғастыруға дайын екенін және Қазақстанның бұл елдегі ахуалды жылдам реттеуге мүдделі екенін мәлімдеді. Қазақстан Президенті екі ел арасында көптеген бірлескен жоба бар екенін айтып, "үкіметаралық комиссия осы жұмысты жалғастыруы тиіс" деп атап өтті.

"Біз тату қарым-қатынасты, сауда-саттықты жалғастырғымыз келеді, сіздерде бейбітшілік болғанын қалаймыз", - деді сол кезде Назарбаев.

Украина президенті болса, сол кезде Қазақстан мен Украина арасында өзара тауар айналымын ұлғайтудың мүмкіндігі мол екенін айтқан еді. "Мен Сіздің Украинадағы ахуалды реттеу бағытындағы батыл ұстанымыңызды білемін, мен Сізге Украинаның тәуелсіздігі мен аумақтық тұтастығын қамтамасыз ету жөніндегі ұстанымдарымызға қолдау көрсеткен шешуші әрекеттеріңіз үшін алғыс айтамын. Сіз үшін Украина бөтен ел емес, есімде, біз Сізбен Днепропетровскіде Сіз тәмамдаған оқу орнының жанында кездескен едік. Украинада Сізді ұмытпайды, құрметтейді, жақсы көреді", - деді Порошенко.

Ақорданың хабарлауынша, сонымен бірге, 23 желтоқсанда Мәскеуде Қазақстан, Армения, Беларусь, Қырғызстан, Ресей және Тәжікстан президенттерінің қатысуымен ҰҚШҰ Ұжымдық қауіпсіздік кеңесінің кезекті сессиясы өтеді. Сондай-ақ 2015 жылғы 1 қаңтарда іске қосылатын ЕАЭО-ның қарсаңында Қазақстан, Ресей, Беларусь, Армения және Қырғызстан президенттерінің қатысуымен Жоғары Еуразиялық экономикалық кеңестің мемлекет басшылары деңгейіндегі отырысы болады.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай