Нығматулин Назарбаевтың рақымшылық жасау туралы ұсынысына қатысты пікір білдірді

07 Желтоқсан 2016, 11:22
0
Нығматулин Назарбаевтың рақымшылық жасау туралы ұсынысына қатысты пікір білдірді - © Тұрар Қазанғапов
© Тұрар Қазанғапов

Нұрлан Нығматулин Президенттің рақымшылық жасау туралы ұсынысына қатысты пікір білдірді, - деп хабарлайды Tengrinews.kz тілшісі Мәжіліс аппаратының баспасөз қызметіне сілтеме жасап.

Мәжілістің жалпы отырысында депутаттар Президенттің енгізген "Қазақстан Республикасы Тәуелсіздігінің жиырма бес жылдығына байланысты рақымшылық жасау туралы" заң жобасын мақұлдады.

"Мемлекет басшысының рақымшылық жасау туралы ұсынысы гуманизм мен рақымшылық актісі, ел Президенті білдірген ниет заңды бұзған азаматтарымызға деген сенім", - деп атап өтті Нығматулин.

Қазақстан Тәуелсіздігінің 25 жылдығына орай Елбасы бастамашылық еткен заң жобасы негізінен азаматтардың әлеуметтік осал санаттарын, кәмелетке толмағандарды, жүкті әйелдерді, кәмелетке толмаған балалары бар әйелдерді, қарт адамдарды, мүгедектерді, сондай-ақ болмашы және ауыр емес қылмыс жасаған адамдарды қылмыстық жазадан босатуды көздейді.

Сотталғандардың басқа да санаттарына қатысты рақымшылық олардың жасаған әрекетінің жеңіл-ауырлығын ескеріп, шектелген ауқымда және жіктелген түрде, сондай-ақ келтірген шығынды толық өтеген жағдайда қолданылады. Сондай-ақ, заң жобасы аса қауіпті қылмыс жасаған адамдарға рақымшылық жасауға тыйым салады, бұл қылмыстық жағдайды қиындату қаупіне жол бермейді.

Заң жобасының негізгі мәселелелерін Мәжілістің жалпы отырысында депутаттарға ҚР Бас прокуроры Жақып Асанов баяндады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай